Connect with us

Technology

వాట్సాప్: ఇక ఫార్వర్డ్ చేస్తే తెలిసిపోతుంది!

Published

on

వాట్సప్‌లో ఫార్వర్డ్ చేసే మెసేజులు ఎప్పుడు, ఎవరు క్రియేట్ చేసినవో తెలీదు. అలాగే, ఎక్కడి నుంచి వస్తున్నాయో కూడా తెలీదు. అయితే, ఈ సారి అవి ఫార్వర్డ్ మెసేజ్‌లా కావో తెలుసుకునేందుకు వీలుగా ఓ సరికొత్త ఫీచర్ అందుబాటులోకి వస్తుంది. దీని వల్ల ఎవరైనా మీకు మెసేజ్ పంపితే అది ఫార్వర్డ్ మెసేజా కాదో తెలుస్తుంది. దాన్ని ఆ మెసేజ్‌ పంపినవారే క్రియేట్‌ చేశారా? లేదా వేరేవాళ్లు పంపింది ఫార్వర్డ్‌ చేశారా? అనేది తెలుసుకోవచ్చు.

మీ స్నేహితుల నుంచి గానీ, గ్రూప్‌ నుంచి ఏదైనా మెసేజ్, ఫొటో, వీడియో ఫార్వర్డ్ చేస్తే ‘ఫార్వర్డ్‌ మెసేజ్‌’ అని కనిపిస్తుంది. గూగుల్‌ ప్లే ఆండ్రాయిడ్ బీటా వెర్షన్‌ 2.18.67లో ఈ అప్‌డేట్‌‌ ఉన్నట్లు తెలిసింది. ప్రస్తుతం ఇది డిజబుల్‌గా ఉన్నా, పరీక్షించేందుకు అందుబాటులో ఉన్నట్లు సమాచారం.

వాట్సాప్ ద్వారా వచ్చే ఫేక్ మెసేజ్‌లు, తప్పుడు సందేశాలు ఎక్కడ నుంచి వస్తున్నాయో తెలుసుకునే సదుపాయాన్ని అందుబాటులోకి తేవడానికి కూడా ప్రయత్నాలు జరుగుతున్నాయి. ప్రస్తుత ఫీచర్‌లో కేవలం మీకు వచ్చే మెసేజ్ ‘ఫార్వర్డ్’ మెసేజా లేదా మీ స్నేహితులు తయారు చేసిన మెసేజా అనేది మాత్రమే తెలుసుకోగలం.

త్వరలో స్టిక్కర్స్: ఫేస్‌బుక్ తరహాలోనే వాట్సాప్‌లో కూడా త్వరలో స్టిక్కర్స్ అందుబాటులోకి రానున్నట్లు సమాచారం. ఇప్పటికే కొన్ని మెసేంజర్ యాప్‌లలో స్టిక్కర్స్ బాగా పాపులర్ అవుతున్నాయి. దీంతో, చాలామంది వినియోగదారులు వాట్సాప్ నుంచి ఆయా యాప్‌లకు మారడానికి మొగ్గు చూపుతున్నారు. ఈనేపథ్యంలో వాట్సాప్ కూడా సరికొత్త స్టిక్కర్స్‌తో వినియోగదారులను మెప్పించేందుకు రెడీ అవుతుంది.

Click to comment

Leave a Reply

Your email address will not be published.

Latest News

Trending

%d bloggers like this: