Connect with us

Technology

యూజీసీ నెట్ 2018 నోటిఫికేషన్ విడుదల

Published

on

దేశంలోని యూనివర్సిటీలలో లెక్చరర్‌షిప్ (అసిస్టెంట్ ప్రొఫెసర్), జూనియర్ రిసెర్చ్ ఫెలోషిప్ కోసం యూజీసీ నెట్ (జులై) – 2018 నోటిఫికేషన్‌ను సీబీఎస్‌ఈ విడుదల చేసారు .. జులై 8న దేశవ్యాప్తంగా 91 కేంద్రాల్లో పరీక్ష నిర్వహించనున్నారు. మొత్తం 84 విభాగాలకు ఈ పరీక్ష ఉంటుంది. కనీసం 55 శాతం మార్కులతో పీజీ ఉత్తీర్ణులైనవారు దరఖాస్తు చేసుకోవడానికి అర్హులు. ఓబీసీ, ఎస్సీ, ఎస్టీ, దివ్యాంగులకు 50 శాతం మార్కులు ఉంటే సరిపోతుంది. పీజీ చివరి సంవత్సరం పరీక్షలకు హాజరయ్యేవారు కూడా దరఖాస్తు చేసుకోవచ్చు. లెక్చరర్‌షిప్ కోసం నెట్ రాసేవారికి ఎలాంటి గరిష్ఠ వయోపరిమితి లేదు. కానీ జూనియర్ రిసెర్చ్ ఫెలోషిప్ కోసం రాసేవారికి మాత్రం వయసు 30 సంవత్సరాలకు మించకూడదు.

మార్చి 5 నుంచి దరఖాస్తు ప్రక్రియ ప్రారంభం కానుంది. ఆన్‌లైన్ ద్వారా దరఖాస్తు చేసుకోవాలి. జనరల్ అభ్యర్థులు రూ. 1000, ఓబీసీ అభ్యర్థులు రూ. 500, ఎస్సీ, ఎస్టీ, దివ్యాంగులు రూ.250 దరఖాస్తు ఫీజుగా చెల్లించాలి. ఆన్‌లైన్ దరఖాస్తుకు చివరితేది ఏప్రిల్ 5 కాగా.. ఏప్రిల్ 6వరకు ఫీజు చెల్లించవచ్చు. ఏప్రిల్ 25 నుంచి మే 5 వరకు దరఖాస్తులో మార్పులు, చేర్పులకు అవకాశం ఉంది.

పరీక్ష ఎలా ఉంటుంది… ?
పరీక్షలో మొత్తం రెండు పేపర్లు (పేపర్-1, పేపర్-2) ఉంటాయి. రెండు పేపర్లకు కలిపి 300 మార్కులకు పరీక్ష నిర్వహిస్తారు.
* పేపర్-1 లో 100 మార్కులకుగాను 50 ప్రశ్నలు అడుగుతారు. ప్రతి ప్రశ్నకు రెండు మార్కులు. టీచింగ్, రిసెర్చ్ ఆప్టిట్యూడ్‌పై ప్రశ్నలు ఉంటాయి. పరీక్ష సమయం 60 నిమిషాలు.
* పేపర్-2లో 200 మార్కులకుగాను 100 ప్రశ్నలు అడుగుతారు. ప్రతి ప్రశ్నకు రెండు మార్కులు. అభ్యర్థుల ఆప్షనల్ సబ్జెక్టు నుంచి ప్రశ్నలు ఉంటాయి. పరీక్ష సమయం 2 గంటలు మాత్రమే.

Click to comment

Leave a Reply

Your email address will not be published.

Latest News

Trending

%d bloggers like this: