Connect with us

Political News

శ్రీలంకపై భారత్ ప్రతీకారం తీర్చుకునేనా.?

Published

on

ముక్కోణపు టీ20 సిరీస్‌లో హాట్ ఫేవరెట్‌గా బరిలోకి దిగిన భారత్‌‌కి ఆదిలోనే ఊహించని పరాజయం ఎదురైంది. గత మంగళవారం నైట్ జరిగిన మొదటి మ్యాచ్‌లోనే శ్రీలంక జట్టు అలవోకగా 175 పరుగుల లక్ష్యాన్ని ఛేదించి టీమిండియాని దెబ్బతీసింది. అయితే.. ఆ తర్వాత బంగ్లాదేశ్‌తో జరిగిన మ్యాచ్‌లో పుంజుకున్న భారత్ టోర్నీలో బోణీకొట్టినప్పటికీ శ్రీలంకపై ప్రతీకారం మాత్రం అలానే మిగిలిపోయింది. సోమవారం రాత్రి 7 గంటలకి భారత జట్టు టోర్నీలో శ్రీలంకతో రెండోసారి ఢీకొట్టబోతోంది. లంకపై బదులు తీర్చుకునేందుకు ఇదే మంచి అవకాశం..!

శ్రీలంకపై అసాధారణ రికార్డులు నెలకొల్పిన కెప్టెన్ రోహిత్ శర్మ.. మొదటి మ్యాచ్‌లోనే పేలవరీతిలో డకౌటయ్యాడు. దీంతో.. ఈ ఓపెనర్‌ నుంచి భారత్ జట్టు మెరుపు ఇన్నింగ్స్ ఆశిస్తోంది. ఇక మరో ఓపెనర్ శిఖర్ ధావన్ వరుసగా రెండు మ్యాచ్‌ల్లోనూ అర్ధశతకాలు బాది సూపర్ ఫామ్‌లో ఉండగా.. సురేశ్ రైనా, మనీశ్ పాండే తమ వంతుగా మిడిలార్డర్‌లో సత్తాచాటుతున్నారు. జూనియర్ ధోనీగా అభిమానులతో ముద్దుగా పిలిపించుకుంటున్న రిషబ్ పంత్.. ఇంకా తనదైన ఇన్నింగ్స్ ఆడలేదు. మైదానంలో అతను ఎలాంటి ఒత్తిడి లేకుండా కనిపిస్తున్నప్పటికీ.. షాట్ల ఎంపికలో తడబడుతున్నాడు. ఫాస్ట్ బౌలర్లలో జయదేవ్ ఉనద్కత్, జయశంకర్ మాత్రమే ఫర్వాలేదనపిస్తున్నారు. శార్ధూల్ ఠాకూర్, వాషింగ్టన్ సుందర్ ధారాళంగా పరుగులిస్తున్నారు. మరోసారి.. స్పిన్నర్ చాహల్ కీలకం కానున్నాడు.

బంగ్లాదేశ్‌తో ఆదివారం నైట్ జరిగిన మ్యాచ్‌లో 214 పరుగుల లక్ష్యాన్ని సైతం కాపాడుకోలేకపోయిన శ్రీలంక.. ప్రస్తుతం సొంతగడ్డపై కొంచెం ఒత్తిడిలోనే బరిలోకి దిగుతోంది. అయితే.. ఒక ఓవర్ వ్యవధిలోనే మ్యాచ్ స్వరూపం మారిపోయే ఈ టీ20ల్లో ఏ జట్టుకైనా గెలిచే అవకాశాలు పుష్కలంగా ఉంటాయని.. కెప్టెన్ రోహిత్ శర్మ ఇటీవల చెప్పిన విషయం తెలిసిందే.

Click to comment

Leave a Reply

Your email address will not be published.

Latest News

Trending

%d bloggers like this: