Connect with us

Health

ఈ లక్షణాలు మీలో కనిపిస్తున్నాయా అయితే మీ కిడ్నీలు డేంజర్ లో ఉన్నాయి

Published

on

మన శరీరంలో కిడ్నీలు ఎంత ముఖ్యపాత్ర పోషిస్తాయో అందరికీ తెలిసిందే. రక్తాన్ని శుద్ధి చేస్తాయి. వాటిల్లో ఉండే మలినాలను తొలగిస్తాయి. శరీరంలో ఎప్పటికప్పుడు పేరుకుపోయే వ్యర్థాలను బయటకు పంపిస్తాయి. మూత్రం రూపంలో వ్యర్థాలను తొలగిస్తాయి. ఈ క్రమంలో కిడ్నీలు పనిచేయకపోతే మన శరీరం మనకు పలు అనారోగ్య సమస్యలను, లక్షణాలను చూపిస్తుంది. వాటిని సరైన సమయంలో గమనిస్తే కిడ్నీలు పాడవకుండా జాగ్రత్తలు తీసుకోవచ్చు. మరి కిడ్నీలు సరిగ్గా పనిచేయడం లేదు అనేందుకు మన శరీరంలో కనిపించే ఆ లక్షణాలు ఏంటో చూడండి.

1. కిడ్నీలు సరిగ్గా పనిచేయకపోతే శరీరంలో పేరుకుపోయే వ్యర్థాలు బయటకు వెళ్లవు. దీంతో విష పదార్థాలు శరీరంలోనే ఉండిపోతాయి. దాని వలన మనకు నిద్ర పట్టదు. ఎవరైనా నిద్రలేమి సమస్యను ఎదుర్కొంటుంటే ఎందుకైనా మంచిది కిడ్నీలను పరీక్ష చేయించుకోవాలి.

2. కిడ్నీలు బాగా పనిచేస్తే మన శరీరంలో విటమిన్‌ డి ని అవి ఎముకల కోసం వినియోగిస్తాయి. అలా పనిచేయకపోతే ఈపీవో అనే హార్మోన్‌ విడుదల అవుతుంది. దీంతో ఎర్ర రక్త కణాల సంఖ్య తగ్గుతాయి. వాటి ద్వారా రక్తం కూడా సరిగ్గా అందదు. ఈ క్రమంలో తలనొప్పి వస్తుంది. పనిచేసినా, చేయకపోయినా అలసటగా ఉంటుంది.

3. కిడ్నీలు సరిగ్గా పనిచేయకపోతే శరీరంలో వ్యర్ధ ద్రవాలు అలాగే ఉండిపోతాయి. అవి చర్మం కిందకు చేరి దురదను కలిగిస్తాయి. దీంతోపాటు చర్మం పొడిగా కూడా ఉంటుంది.

4. కిడ్నీల పనితీరు మందగిస్తే నోరు దుర్వాసన వస్తుంది. నాలుక లోహపు రుచిలో ఉంటుంది.

5. కిడ్నీలు బాగా పనిచేయకపోతే శ్వాస సరిగ్గా ఆడదు. ఊపిరి తీసుకోవడం కష్టంగా ఉంటుంది.

6. మడమలు, కాళ్లు, చేతుల్లో ద్రవాలు, నీరు బాగా పేరుకుపోయి అవి వాపులకు, నొప్పులకు లోనైతే కిడ్నీలు చెడిపోయాయని అర్థం చేసుకోవాలి. ఇలాంటి లక్షణాలు ఉంటే డాక్టర్‌ను కలవాలి.

7. కిడ్నీలు చెడిపోతే ఎప్పుడూ బ్యాక్‌ పెయిన్‌ వస్తుంటుంది. కిడ్నీలు ఉన్న స్థానంలో విపరీతమైన నొప్పి ఉంటుంది. వంగినా, కూర్చున్నా ఆ ప్రదేశంలో నొప్పిగా ఉంటుంది. ఈ లక్షణాలు ఉన్నా కిడ్నీలు బాగా లేవని అర్ధం.

8. కిడ్నీలు సరిగ్గా పనిచేయకపోతే మూత్రం ద్వారా ప్రోటీన్‌ పోతుంది. ఇలా జరిగితే కళ్లు వాపులకు లోనై, ఉబ్బి కనిపిస్తాయి. ఇలాంటి లక్షణం ఉంటే కిడ్నీల ఆరోగ్యం దెబ్బతిన్నదని తెలుసుకోవాలి.

9. కిడ్నీలు సరిగ్గా పనిచేయకపోతే కనిపించే మరో లక్షణం హై బీపీ. హై బీపీ సమస్య ఉన్నా దాన్ని కిడ్నీ వ్యాధిగా అనుమానించి టెస్ట్‌ చేయించుకోవాలి.

10. కిడ్నీలు సరిగ్గా పనిచేయకపోతే వచ్చే మూత్రం దుర్వాసనతో ఉంటుంది. దీనికి తోడు మూత్రం ఎక్కువగా వస్తుంది. రోజుకు 4 నుంచి 10 సార్లు మూత్ర విసర్జన చేయడం సహజమే. ఇంతకన్నా ఎక్కువ సార్లు మూత్ర విసర్జన చేస్తుంటే దాన్ని కిడ్నీ వ్యాధిగా అనుమానించాలి.

Latest News

Trending

%d bloggers like this: