Connect with us

Political News

సంక్రాంతికి సొంతూరు వెళ్లే ప్రతి ఒక్కరూ తెల్సుకోవలసిన విషయం

Published

on

తెలుగు లోగిళ్లలో సంక్రాంతి వైభవం గురించి ఇప్పటితరం వారికంటే పెద్దవాళ్లనడిగితే చాలా గొప్పగా చెబుతారు. ఈ పండుగ లో ఉన్న విశేషం ఏంటంటే, ఎక్కడ పని చేస్తున్నవారు అయినా…ఈ పండుగకు వారి సొంత ఊరు వెళ్తారు. అయితే ఈ పండుగ సందర్భంగా అటు రైల్వే, ఇటు ఆర్టీసీలు ప్రత్యేక సర్వీసులు అందిస్తున్నాయి. వివిధ ప్రాంతాల మధ్య 84 ప్రత్యేక రైళ్లను నడుపనున్నట్లు దక్షిణమధ్య రైల్వే అధికారులు ప్రకటించగా, మొత్తం 3,262 స్పెషల్‌ బస్సులను సిద్ధం చేసినట్లు ఆర్టీసీ చెబుతుంది.

జనవరి 10 నుంచి 13 వ తేదీ వరకు బస్సుల సంఖ్యను పెంచనున్నట్లు ఆర్టీసీ రంగారెడ్డి రీజినల్‌ మేనేజర్‌ యాదగిరి తెలిపారు. తెలంగాణ, ఆంధ్రప్రదేశ్‌ రాష్ట్రాలకు రోజూ నడిచే 3,065 రెగ్యులర్‌ బస్సులతోపాటు 3,262 ప్రత్యేక బస్సులను సిద్ధంచేశారు. విజయవాడ వైపు 1,094 బస్సులు, కర్నూల్‌ వైపు 115, నెల్లూరు 143, వరంగల్‌ 384, కరీంనగర్‌ 280, ఖమ్మం 430, మహబూబ్‌ నగర్‌ 179, ఆదిలాబాద్, నిజామా బాద్‌ జిల్లా లకు 259, నల్లగొండ 228, మెదక్‌ 125, బెంగ ళూరు 15, చెన్నై 5, పూణే వైపునకు 5 ప్రత్యేక బస్సులను నడుపనున్నట్లు తెలిపారు. దూరప్రాంతాలకు వెళ్లే అన్ని ప్రత్యేక బస్సులపై 50 శాతం అదనపుచార్జీలు వసూలు చేయనున్నారు.

పండుగ సందర్భంగా, సంక్రాంతి స్పెషల్‌ రైళ్లు ఏ టైమ్ కి ఉన్నాయో చూద్దాం.

* తిరుపతి–విశాఖ (07487/07488) ప్రత్యేక రైలు

ఈ నెల 7, 14, 21, 28, ఫిబ్రవరి 4, 11, 18, 25 తేదీల్లో రాత్రి 10.30 గంటలకు తిరుపతి నుంచి బయలుదేరి మరుసటి రోజు ఉదయం 10.45 గంటలకు విశాఖ చేరుతుంది. తిరుగు ప్రయాణంలో ఈ నెల 8, 15, 22, 29, ఫిబ్రవరి 5, 12, 19, 26 తేదీల్లో సాయంత్రం 7.20 గంటలకు విశాఖ నుంచి బయలుదేరి మరుసటిరోజు ఉదయం 8.10 కు తిరుపతికి చేరుతుంది.

* కాచిగూడ–విశాఖ (07016) స్పెషల్‌ ట్రైన్‌

ఫిబ్రవరి 6, 13, 20, 27 తేదీల్లో సాయంత్రం 6.45కు కాచిగూడ నుంచి బయలుదేరి మరుసటిరోజు ఉదయం 7.50కి విశాఖకు చేరుతుంది.

* విశాఖ–తిరుపతి(07479) స్పెషల్‌ ట్రైన్‌ :

ఫిబ్రవరి 7, 14, 21, 28 తేదీల్లో సాయంత్రం 7.05 గంటలకు విశాఖ నుంచి బయలుదేరి మరుసటి రోజు ఉదయం 9.25కి తిరుపతికి చేరుకుంటుంది.

* తిరుపతి– కాచిగూడ (07146) స్పెషల్‌ ట్రైన్‌

ఈ నెల 8, 15, 22, మార్చి 1 తేదీల్లో సాయంత్రం 5 గంటలకు తిరుపతి నుంచి బయలుదేరి మరుసటి రోజు ఉదయం 6.30కు కాచిగూడకి చేరుకుంటుంది.

* హైదరాబాద్‌–విశాఖ(07148/07147) స్పెషల్‌ ట్రైన్‌ :

ఈ నెల 10, 12 తేదీల్లో సాయంత్రం 5.45 గంటలకు నాంపల్లి నుంచి బయలుదేరి మరుసటిరోజు ఉదయం 9.45 కి విశాఖ చేరుతెంది. తిరుగు ప్రయాణంలో ఈ నెల 11, 13 తేదీల్లో సాయంత్రం 6.50 కు విశాఖ నుంచి బయలుదేరి మరుసటి రోజు ఉదయం 9.45 కు నాంపల్లి చేరుకుంటుంది.

* సికింద్రాబాద్‌–దర్భంగా(07007/07008) స్పెషల్‌ ట్రైన్‌

ఫిబ్రవరి 3, 6, 10, 13, 17, 20, 24, మార్చి 3, 6, 10, 13, 17, 20, 24, 27, 31తేదీల్లో రాత్రి 10 గంటలకు సికింద్రాబాద్‌ నుంచి బయలుదేరి రెండోరోజు మధ్యాహ్నం 1.45కు దర్భంగా చేరుకుంటుంది. తిరుగు ప్రయాణంలో ఫిబ్రవరి 6, 9, 13, 16, 20, 23, 27, మార్చి 2, 6, 9, 13, 16, 20, 23, 27, 30 తేదీల్లో ఉదయం 5 గంటలకు దర్భంగా నుంచి బయలుదేరి మరుసటిరోజు రాత్రి 10.10కు సికింద్రాబాద్‌ చేరుకుంటుంది.

* హైదరాబాద్‌ –రెక్సాల్‌ (07005/07006) స్పెషల్‌ ట్రైన్‌

ఫిబ్రవరి 1, 8, 15, 22, మార్చి 1,8, 15, 22, 29 తేదీల్లో రాత్రి 9.30 గంటకు నాంపల్లిలో బయలుదేరి రెండోరోజు సాయంత్రం 5.30కు రెక్సాల్‌ చేరుతుంది. తిరుగుప్రయాణంలో ఫిబ్రవరి 4, 11, 18, 25, మార్చి 4, 11, 18, 25, ఏప్రిల్‌ 1 తేదీల్లో తెల్లవారు జామున 1.30 కు బయలుదేరి మరుసటిరోజు రాత్రి 11.15 కు నాంపల్లి చేరుకుంటుంది.

పండుగ నేపథ్యంలో దక్షిణ మధ్య రైల్వే ఓ షాక్ ఇచ్చింది. పండుగ సీజన్లలో రైళ్లు ఎక్కేవారికంటే వాళ్లకు సెండ్ ఆఫ్ ఇచ్చేవారు, ఆహ్వానించేవారు ఎక్కువగా ఉంటారు. అందుకే దక్షిణమధ్యరైల్వే ప్రధాన కేంద్రం సికింద్రబాద్‌ స్టేషన్‌లో ఫ్లాట్‌ఫాం టికెట్‌ ధరను రూ.10 నుంచి రూ.20కి పెంచారు. ఈ నిర్ణయం సంక్రాంతి రద్దీ దృష్ట్యా జనవరి 11 నుంచి 17 వరకు పెరిగిన ధరలు అమలవుతాయని పౌరసంబంధాల అధికారి ఉమాశంకర్‌ కుమార్‌ ఒక ప్రకటనలో తెలిపారు.

Continue Reading
Click to comment

Leave a Reply

Your email address will not be published.

Political News

అభిమానులూ ఇలా చేయండి అంటూ ట్వీట్స్ చేసిన పవన్ కళ్యాణ్

Published

on

డైరెక్టర్ రామ్ గోపాల్ వర్మ ప్రోద్బలంతో నటి శ్రీరెడ్డి తన తల్లిపై అభ్యంతర వ్యాఖ్యలు చేయడాన్ని జనసేన అధినేత పవన్ కళ్యాణ్ సీరియస్ అయిన సంగతి తెలిసిందే. వరుస ట్వీట్లతో తన ఆగ్రహాన్ని వ్యక్తం చేసిన పవన్.. టీవీ9, ఏబీఎన్, టీవీ5 అధినేతలపై నిప్పులు చెరిగారు. తన తల్లిపై అభ్యంతర వ్యాఖ్యలు చేస్తే.. వాటిని ఖండిచకుండా వ్యాపారానికి వాడుకున్నారని విమర్శించారు.

ఆ తర్వాత మెగా ఫ్యామిలితో కలిసి ఫిల్మ్ చాంబర్ వద్ద నిరసన వ్యక్తం చేశారు. దీంతో అక్కడికి భారీ ఎత్తున చేరుకున్న అభిమానులు మీడియాపై ఆగ్రహంతో వారి వాహనాలను ధ్వంసం చేశారు. ఈ నేపథ్యంలో పవన్ కళ్యాణ్ అభిమానులను ఉద్దేశించి పలు ప్రకటనలు చేశారు.

‘‘శ్రీనిరాజుకు టీవీ9లో పెట్టుబడులు ఉన్నాయి. అంతేకాదు, అతనికి సత్యం రామలింగరాజు, డైరెక్టర్ రామ్ గోపాల్ వర్మతో కూడా సంబంధాలున్నాయి’’ అని పవన్ ట్వీట్ చేశారు.

‘‘శ్రీనిరాజు రేపు నా మీద పరవు నష్టం దావా వేయనున్నారు. జనసైనికులారా మీరెవ్వరూ ఆవేశపడొద్దు. ఎలాంటి హింసాత్మక చర్యలకు పాల్పడవద్దు. నేను కూడా ఆయా చానెళ్ల అధినేతలతో శక్తివంతమైన న్యాయపోరాటానికి రెడీ అవుతున్నాను. అని మరో ట్వీట్‌లో చెప్పారు.

బాయ్‌కాట్ టీవీ9, టీవీ5, ఏబీఎన్’:
‘‘మన తల్లులు, కూమార్తెలు, చెల్లెళ్లలను దుర్బషలాడుతున్న టీవీ9, టీవీ5, ఏబీఎన్‌లను బాయ్‌కట్ చేయండి. నిస్సహాయ సోదరి, నగ్నత్వం, అసభ్యతతో వ్యాపారం చేస్తున్న వాళ్లను సైతం మనం బాయ్‌కట్ చేయాలి’’ అని పవన్ తన అభిమానులకు పిలుపునిచ్చారు.

Continue Reading

Movie News

పవన్ ఉగ్రరూపం: ఫిల్మ్ ఛాంబర్ వద్ద నిరసన, మీడియా వాహనాలు ద్వంసం

Published

on

తెలుగు సినిమా ఇండస్ట్రీలో శ్రీరెడ్డి రేపిన వివాదం చినికి చినికి గాలివానగా మారుతోంది. టాలీవుడ్ క్యాస్టింగ్ కౌచ్ గొడవలో తనకు ఎలాంటి సంబధంలేకపోయినప్పటికీ.. తనను తన తల్లిని దూషించిన వారిపైన, వెనకునుండి ఈ కుట్రను జరిపిస్తున్నవారిపైన ట్విట్టర్ వేదికగా ప్రశ్నలను గుప్పిస్తున్న పవన్ కళ్యాణ్ ఈ రోజు డైరెక్ట్‌గా యాక్షన్‌లోకి దిగారు.

ఇండస్ట్రీ పరువు తీసే విధంగా మీడియాలో ఇంత రాద్దాంతం జరుగుతుంటే పట్టించుకోకుండా మూవీ ఆర్టిస్ట్ అసోసియేషన్ పెద్దలు ఎందుకు మౌనంగా ఉన్నారంటూ డైరెక్ట్‌గా ఫిల్మ్ ఛాంబర్‌కే వెళ్లారు పవన్. దాదాపు రెండు గంటల పాటు పవన్ ఛాంబర్‌లో మెగా ఫ్యామిలీ, ఇతర సినీప్రముఖులతో సమావేశం అయ్యారు. పవన్ ఫిల్మ్ ఛాంబర్‌కి వచ్చిన కొద్దినిమిషాల వ్యవధిలోనే మెగా బ్రదర్ నాగబాబుతో పాటు మెగా హీరోలు రామ్ చరణ్ తేజ్, అల్లు అర్జున్, వరుణ్ తేజ్, సాయి ధరమ్ తేజ్‌లు ఫిల్మ్ ఛాంబర్‌కు చేరుకున్నారు.

ఇక పవర్ స్టార్ పవన్ కళ్యాణ్ ఫిల్మ్ ఛాంబర్‌కి చేరుకోగానే పెద్ద ఎత్తున ఆయన అభిమానులు అక్కడకు చేరుకున్నారు. పవన్ పవన్ కళ్యాణ్‌పై కుట్ర పూరితంగా కథనాలను ప్రసారం చేస్తున్న కొన్ని మీడియా ఛానల్స్ వాహనాలను ద్వంసం చేస్తూ వారికి వ్యతిరేకంగా నినాదాలు చేశారు. పరిస్థితులు అదుపు తప్పే అవకాశం ఉండటంతో పోలీసుల విజ్ఞ‌ప్తి మేరకు పవన్ ఫిల్మ్ ఛాంబర్‌ను వీడారు. అయితే మూవీ ఆర్టిస్ట్ అసోసియేషన్ సభ్యులతో ఎలాంటి చర్చలు జరిపారు. పవన్ డిమాండ్లు ఏంటి? మెగా హీరోలు మూకుమ్మడిగా ఎందుకు వచ్చారు? మూవీ ఆర్టిస్ట్ అసోసియేషన్ పెద్దలతో ఎలాంటి చర్చలు జరిపారు? పవన్ కళ్యాణ్ వెంట న్యాయ నిపుణులు రావడం తదితర అంశాలపై క్లారిటీ రావాల్సి ఉంది.

మరోవైపు ఆయన దీక్షకు కూడా దిగుతారని వార్తలు వస్తుండటంతో తెలుగు రాష్ట్రాల్లోని ఆయన ఫ్యాన్స్ ప్రధాన కూడళ్లలో నిరసనలకు దిగారు. పవన్ కళ్యాణ్‌పైన కుట్రపూరితంగా వ్యవహరిస్తున్న మీడియా సంస్థలపై వెంటనే చర్యలు తీసుకోవాలని.. పవన్ తల్లికి బహిరంగం క్షమాపణ చెప్పించాలని డిమాండ్ చేస్తున్నారు పవన్ అభిమానులు. పవన్ ఎలాంటి నిర్ణయం తీసుకోబోతున్నారు? ఏం జరగబోతోందనే ఉత్కంఠగా మారింది.

Continue Reading

Political News

హ్యాపీ బర్త్ డే అమ్మా: భావోద్వేగ ట్వీట్ చేసిన మహేష్

Published

on

‘భరత్ అనే నేను’ మూవీ విడుదల సందర్భంగా ప్రిన్స్ మహేష్ బాబు చేసిన ట్వీట్ సోషల్ మీడియాలో హల్చల్ చేస్తుంది. ‘భరత్ అనే నేను’ మూవీ తనకు ఎంతో ప్రత్యేకమైనదని.. ఎందుకంటే ఈ మూవీ తన తల్లి జన్మదినం రోజున విడుదల కావడం చాలా ఆనందంగా ఉందంటూ ప్రేక్షకులతో తన అనుభూతిని పంచుకున్నారు.

ఈ సందర్భంగా మహేష్ తల్లి ఇందిర దేవి అపురూపమైన ఫోటోని ట్విట్టర్‌‌లో షేర్ చేస్తూ.. హ్యాపీ బర్త్ డే అమ్మా.. ‘భరత్ అనే నేను’ ఇన్ సినిమాస్ నౌ’.. ‘ఈ ప్రత్యేకమైన రోజున నా హృదయానికి దగ్గరైన మూవీను అందరి ముందుకు తీసుకురావడం చెప్పలేనంత ఆనందంగా ఉంది అంటూ మహేష్ చేసిన ఎమోషనల్ ట్వీట్ ఆయన అభిమానులను బాగా ఆకట్టుకుంది. దీంతో మహేష్ తల్లికి జన్మదిన శుభాకాంక్షలు తెలియజేస్తూ.. ఇందిర దేవి ఫోటోను విపరీతంగా షేర్ చేస్తుండటంతో వైరల్‌గా మారింది.

It is overwhelming for me to present a film so close to my heart on this special day. Happy Birthday, amma 🙂 🙂
Bharat Ane Nenu in cinemas now.  అని మహేష్ బాబు ట్వీట్ చేసాడు.

 

 

Continue Reading

Latest News

Trending

%d bloggers like this: