విజ‌య‌వాడ‌లో దారుణం జరిగింది. బ్ర‌తికున్న అమ్మాయిని చ‌నిపోయింద‌ని చెప్పారు ప్ర‌భుత్వాసుప‌త్రి డాక్టర్లు. అయితే అంత్య‌క్రియ‌ల‌కు ఏర్పాట్లు చేస్తుండ‌గా అద్భుతం జరిగింది. కాసేపతే మట్టిలో కలిసిపోవాల్సిన అమ్మాయి అకస్మాత్తుగా లేచికూర్చున్నంత పనిచేసింది. విషయంలోకి వెళితే.. సాయిదుర్గ అనే చిన్నారి క‌ళ్లు తిరిగి కింద పడిపోయింది. దీంతో ఆమెను ప్ర‌భుత్వాసుప‌త్రిలో జాయిన్ చేసారు కుటుంబ స‌భ్యులతో అయితే సాయి దుర్గ చ‌నిపోయింద‌ని చెప్పారు ప్ర‌భుత్వాసుప‌త్రి డాక్టర్లు. దాంతో ఆ అమ్మాయిని ఇంటికి తీసుకెళ్లారు త‌ల్లితండ్రులు. ప్రాణం పోసే డాక్టర్లు…. దేవుడి తర్వాత దేవుడంతటి వాళ్లు… బిడ్డ ప్రాణం ఇక తమ చేతుల్లో ఏమి లేదని చెప్పారు.
ఆ చేదు నిజాన్ని దిగమింగుకుని, ఏడ్చుకుంటూ బాలికకు అంత్య‌క్రియ‌లు నిర్వ‌హించ‌డానికి ఏర్పాట్లు చేశారు కుటుంబ స‌భ్యులు. అయితే అంత్య‌క్రియ‌లు నిర్వ‌హించే స‌మ‌యంలో బాలిక క‌దిలడం స్థానికంగా సంచలనం సృష్టించింది. దీంతో విజ‌య‌వాడ‌లో ప్ర‌భుత్వాసుప‌త్రి వైద్యుల నిర్లక్ష్యం, బాధ్యతారాహిత్యం బ‌య‌ట‌ప‌డ్డాయి. బ్ర‌తికున్న బాలికను చ‌నిపోయిన‌ట్లే తేల్చేసిన డాక్ట‌ర్ల నిర్వాకం ఇప్పుడు సంచలనంగా మారింది.అంత్య‌క్రియ‌లు నిర్వ‌హించే స‌మ‌యంలో సాయిదుర్గ క‌ద‌ల‌డంతో త‌ల్లితండ్రులు ఒక్క‌సారిగా షాక్ అయ్యారు.ఈ క్ర‌మంలో బాలికను విజ‌య‌వాడ‌లోని గ్లోబ‌ర్ ఆసుప‌త్రితో పాటు మరో హ‌స్పిట‌ల్ కు తీసుకెళ్లారు. తర్వాత పాపకు క్రిటికల్ కేర్ వైద్యం స్టార్ట్ చేశారు.
పాప కళ్లుతిరిగి పడిపోయింది. దీంతో వెంట‌నే త‌ల్లిండ్రులు ప్ర‌భుత్వాసుప‌త్రికి తీసుకెళ్ల‌గా మొద‌ట కోమాలోకి వెళ్లింద‌న్న డాక్టర్లు, ఆ తర్వాత చ‌నిపోయింద‌ని చెప్పారు. అయితే అంత్య‌క్రియ‌లు చేస్తున్న సంద‌ర్బంగా బాలిక క‌ద‌ల‌డంతో వేరే ఆసుప‌త్రికి తీసుకెళ్ల‌గా బాలిక బ్ర‌తికే ఉంద‌ని చెప్పడంతో బాలిక తల్లిదండ్రులు వైద్యులపై ఫిర్యాదు చేశారు. విజయవాడ ప్రభుత్వ ఆసుపత్రి వైద్యులపై విఛారణకు ఆదేశించింది ప్రభుత్వం.ప్రభుత్వ వైద్యుల నిర్య‌క్షంపై కుటుంబ స‌భ్యులు ఆందోళ‌న వ్య‌క్తం చేస్తున్నారు. చిన్నారికి బ్ల‌డ్ కావాల‌ని తమ ద‌గ్గ‌ర తీసుకున్నార‌ని కుటుంబ స‌భ్యులు చెబుతున్నారు. డాక్ట‌ర్ల‌పై క‌ఠిన చ‌ర్య‌లు తీసుకోవాల‌ని కోరుతున్నారు ఆ అమ్మాయి త‌ల్లితండ్రులు.
తమ ఆర్థిక ప‌రిస్థితి బాగాలేక ప్ర‌భుత్వాసుప‌త్రికి తీసుకొస్తే తమ నుంచి డ‌బ్బులు డిమండ్ చేశారంటున్నారు. బాలిక చ‌నిపోయింద‌ని తమ చేతిలో పెట్టార‌ని, త‌మ‌కు స‌ర్టిపికేట్ కూడా ఏమీ ఇవ్వ‌లేద‌ని కుటుంబ స‌భ్యులు చెబుతున్నారు. మా లాంటి పేద‌వారికి గ‌వ‌ర్నెంట్ హ‌స్పిట‌ల్స్ గ‌తి అని, వారి ఇలా చేస్తే ఇక త‌మ‌లాంటి ప‌రిస్థితి ఏంట‌ని ప్ర‌శ్నిస్తున్నారు. విజయవాడ ప్ర‌భుత్వాసుప‌త్రి డాక్ట‌ర్ల నిర్వాకం ఇప్పుడు సంచలనంగా మారింది.
Like this:
Like Loading...
Related
