Connect with us

Movie News

చిట్టిబాబు యాక్టింగ్ అద్భుతం.. ఆ 20 నిమిషాలు అయితే కేక

Published

on

పక్కా పల్లెటూరి యాసలో పూర్తిస్థాయి ఊర మాస్ మూవీలు ప్రస్తుతం మనకు కరువైపోయాయి. ప్రస్తుతం అడపాదడపా పల్లెటూరు మూవీలు వచ్చినా అవి కూడా ఊర మాస్ లెవల్‌లో ఉండటంలేదు. తెలుగులో పక్కా పల్లెటూరు మూవీలు వచ్చి సుమారు 20 ఏళ్లపైనే అయి ఉండొచ్చు. ‘పక్కా పల్లెటూరు యాసలో ఒక మూవీ తీయలేరా’ అని ఎవరో అంటే తనకు సిగ్గేసిందని స్వయంగా డైరెక్టర్ సుకుమార్ చెప్పడం విశేషం. అందుకే పట్టుదలతో ఆయన ‘రంగస్థలం’ తెరకెక్కించారు. 1980ల నాటి నేపథ్యంలో పక్కా పల్లెటూరు రాజకీయాలతో ఓ డ్రామాను తెలుగు ప్రజలకు అందించారు. ఈ డ్రామాలో రామ్ చరణ్, సమంత, ఆది పినిశెట్టి, జగపతిబాబు, ప్రకాష్ రాజ్ వంటి స్టార్లు యాక్ట్ చేయడంతో మరింత క్రేజ్ వచ్చేసింది.

ఫస్ట్‌లుక్, టీజర్, ట్రైలర్, పాటలు, వీడియో సాంగ్స్ ప్రోమోలు ఇలా అన్నీ మూవీపై భారీ అంచనాలను పెంచేశాయి. ఇక మెగా అభిమానులైతే సినిమా ఎప్పుడెప్పుడు చూస్తామా అని వేయి కళ్లతో ఎదురుచూసిన పరిస్థితి. ‘మా చిట్టిబాబు ఏం మాయ చేస్తాడో.. ఎన్ని రికార్డులు సృష్టించేస్తాడో’ అని ఆత్రుతగా చూస్తున్నారు. మొత్తానికి ఆ రోజు వచ్చేసింది. విదేశాల్లో గురువారం రాత్రే ప్రీమియర్ షోలు పడిపోగా.. తెలుగు రాష్ట్రాల్లోని ప్రధాన నగరాల్లోనూ అర్ధరాత్రి నుంచి షోలు పడ్డాయి. సినిమా చూసిన వారు సినిమా అంతా చిట్టిబాబే అంటున్నారు. చిట్టిబాబు క్యారక్టర్ లో రామ్ చరణ్ యాక్టింగ్ అద్భుతం అని తెగ పొగిడేస్తున్నారు. ఈ మేరకు ట్విట్టర్ ద్వారా తమ అభిప్రాయాలను వ్యక్తపరుస్తున్నారు.

 

 

సినిమా మొత్తాన్ని చరణ్ తన భుజస్కందాలపై నడిపించాడట. చెవిటివాడి పాత్రతో హాస్యం, భావోద్వేగం, రౌద్రం ఇలా అన్ని రసాలను పలికించేశాడట. సినిమా తొలిభాగం మామూలుగా లేదని అంటున్నారు. ఇంటర్వల్‌కు ముందు వచ్చే సన్నివేశాల్లో చరణ్ యాక్టింగ్ ను చూసి ‘ఆయనకు వందనం’ అని ప్రేక్షకులు అంటున్నారు. అయితే సెకండ్ హాఫ్ కాస్త నిరాశ పరిచిందని అంటున్నారు. రెండో భాగాన్ని కాస్త సాగదీశారని, నిడివి మరీ ఎక్కువ కావడం ప్రేక్షకుడికి కాస్త విసుగు తెప్పిస్తుందని టాక్. అయితే రామ్ చరణ్ యాక్టింగ్ ముందు ఇవేమీ కనబడవట. మెగా ఫ్యాన్స్ అయితే ‘ఇన్ని రోజులూ చేయనిది యాక్టింగ్ రాక కాదు, ఆయనతో చేయించుకునేవాడు లేక అని అందరికి అర్థమైనట్టేనా?’ అంటూ చరణ్ నటనపై ట్వీట్లు చేస్తున్నారు.

మొత్తానికి ‘రంగస్థలం’ మూవీ బ్లాక్ బస్టర్ హిట్టనే టాక్ మొదలైపోయింది. మెగా అభిమానులు సూపర్ డూపర్ బ్లాక్ బస్టర్ హిట్ అని ట్వీట్లు చేస్తుంటే.. సాధారణ ప్రేక్షకుడు సినిమా బాగుంది, వసూళ్లు ఎలా ఉంటాయో చూడాలని అంటున్నారు. ఏదేమైనా ఇంత మంచి మూవీను తనకు ఇచ్చినందుకు చరణ్ కచ్చితంగా సుకుమార్‌కు రుణపడి ఉన్నట్లే. స్టార్ హీరోను డీ గ్లామరస్‌గా, పక్కా ఊర మాస్‌లో చూపించడం అంటే మాటలు కాదు. అది ప్రస్తుత పరిస్థితుల్లో ఇంకా కష్టం. కానీ సుకుమార్ చేసి చూపించారు. దీనికి తోడు సంగీతం. ఎలాంటి మూవీకైనా సంగీతం అందించగలని దేవీశ్రీ మరోసారి నిరూపించుకున్నారు. అన్ని పాటలు ఆణిముత్యాలే. ఇక నేపథ్య సంగీతం కూడా అద్భుతంగా ఉందట. మరి ఈ చిట్టిబాబు ఎన్ని రికార్డులు తిరగరాస్తాడో చూడాలి.

Latest News

Trending

%d bloggers like this: