Connect with us

Health

స్మోకింగ్ రాయుళ్లపై హైదరాబాద్ పోలీసులు వేట

Published

on

బహిరంగ ప్రదేశంలో స్మోకింగ్ చేస్తే కఠిన చర్యలు తప్పవని హైదరాబాద్ పోలీసులు హెచ్చరికలు జారీచేశారు. దీనికి అనుగుణంగా బస్సుస్టాపులు, హోటళ్లు, పాన్‌ డబ్బాలు, పార్కులు, క్రీడా మైదానాల్లో బుధవారం హబీబ్‌నగర్‌ పోలీసులు దాడులు నిర్వహించారు. ఈ సందర్భంగా బహిరంగ ప్రదేశాల్లో పొగ తాగుతున్న వారిని అదుపులోకి తీసుకున్నారు. మల్లేపల్లి, హబీబ్‌నగర్‌, దారుస్సాలాం, నాంపల్లి, బజార్‌ఘాట్‌ ప్రాంతాల్లో దాడులు జరిపి 25 మందిని అదుపులోకి తీసుకుని స్టేషన్‌కు తరలించారు. వీరికి కుటుంబ సభ్యుల సమక్షంలో నాంపల్లి ఎమ్మెల్యే జాఫర్‌హుస్సేన్‌ మేరాజ్‌, మెహిదీపట్నం కార్పొరేటర్‌, మాజీ మేయర్‌ మాజిద్‌ హుస్సేన్‌, హబీబ్‌నగ్‌ర్‌ ఇన్‌స్పెక్టర్‌ మధుకరస్వామి కౌన్సెలింగ్‌ ఇచ్చారు. ఈ 25 మందిపై టొబాకో యాక్టు కింద కేసులు నమోదు చేశారు. మరోసారి బయట స్మోకింగ్ చేస్తూ దొరికితే కఠిన చర్యలు తీసుకుంటామని సీరియస్ గా హెచ్చరించారు.

బయట ప్రదేశాల్లో ధూమపానంపై నిషేధాన్ని 2008 అక్టోబరు 2 నుంచి కేంద్రం అమల్లోకి తీసుకొచ్చింది. దీని ప్రకారం ప్రజలు ఎక్కువగా సంచరించే ప్రాంతాల్లో పొగతాగితే రూ.200 జరిమానా విధిస్తారు. మొదటిసారి బయట ప్రదేశంలో ధూమపానం చేస్తే రూ.500 ల నుంచి వెయ్య రూపాయల దాకా జరిమానా విధించాలని ఢిల్లీ ప్రభుత్వం సూచిస్తుంది.

Latest News

Trending

%d bloggers like this: