Connect with us

Movie News

త్వరలో తెలుగు చిత్ర పరిశ్రమ ఆడపడుచుల ఆత్మగౌరవ పోరాట సమితి

Published

on

జనసేన అధినేత పవన్ కళ్యాణ్ కీలక నిర్ణయాన్ని ప్రకటించారు. త్వరలో తెలుగు చిత్ర పరిశ్రమ ఆడపడుచుల ఆత్మగౌరవ పోరాట సమితి ఏర్పాటుకు రంగం సిద్ధమవుతోందని తెలిపారు. వీరికి జనసేన వీర మహిళా విభాగం అండగా ఉంటుందని పవన్ కళ్యాణ్ ట్వీట్ చేశారు. మనల్ని, మన తల్లుల్ని, ఆడపడుచుల్ని తిట్టే పేపర్లు ఎందుకు చదవాలి? వాళ్ళ టీవీలు ఎందుకు చూడాలని ప్రశ్నించారు. అలాంటి వాళ్ల కోసం ఎలాంటి చట్టాలు తేవాలని మరో ట్వీట్ చేశారు. అలాగే సాయంత్రంలోపు చిత్తూరు జిల్లాలో తన మూడు రోజుల పర్యటనకు సంబంధించిన షెడ్యూల్‌ను ప్రకటిస్తానన్నారు చెప్పారు పవన్.

మరో ట్వీట్‌లో తన తల్లిని దూషించిన వారు రహస్యంగా క్షమాపణలు చెబుతున్నారని సీరియస్ అయ్యారు పవన్. పబ్లిక్‌లో నోటికొచ్చినట్లు తిట్టారు. ప్రైవేట్‌గా క్షమాపణలు చెబుతున్నారు. ఇలాంటివి తన దగ్గర కుదరవని.. గత ఆరు నెలలుగా తన తల్లిని, అభిమానులు, అనుచరుల్ని నోటికొచ్చినట్లు తిట్టారు. ఇంతటి నీచ బుద్ధి ఉన్న మీరు ఇప్పుడు రహస్యంగా క్షమాపణలు చెప్తారా అని ప్రశ్నించారు. కాస్టింగ్ కౌచ్, శ్రీరెడ్డి ఎపిసోడ్, టీవీ ఛానల్స్‌లో చర్చలపై పవన్ కళ్యాణ్ ట్విట్టర్ వేదికగా పంచులు వేస్తున్నారు. తన తల్లిని అవమానించారంటూ న్యూస్ ఛానల్స్‌పై మండిపడుతున్నారు పవన్. ఈ క్రమంలోనే పవన్ ఆడపడుచుల ఆత్మగౌరవ పోరాట సమితిని ప్రారంభించబోతున్నట్లు తెలిపారు.

Latest News

Trending

%d bloggers like this: