Connect with us

Movie News

అమరావతిలో సొంతింటికి భూమిపూజ చేసిన పవన్

Published

on

హీరో, జనసేన అధినేత పవన్ కల్యాణ్ ఆంధ్రప్రదేశ్ రాజధాని అమరావతి సమీపంలోని కాజ దగ్గర సొంతింటి నిర్మాణానికి సోమవారం శంకుస్థాపన చేశారు. మార్చి 14న పార్టీ ఆవిర్భావ దినోత్సవ సభను గుంటూరులోని నాగార్జున యూనివర్సిటీ ఎదురుగా నిర్వహించనున్న విషయం తెలిసిందే. ఈ నేపథ్యంలో పార్టీ కార్యాలయంతో పాటు, సొంత ఇల్లు కూడా రాజధాని ప్రాంతంలో ఉంటే బాగుంటుందని జనసేనాని నిర్ణయించుకున్నారు. దీంతో మంగళగిరి మండలం కాజలో రెండు ఎకరాల స్థలాన్ని కొన్నారు. దానికి ఈరోజు భూమిపూజ నిర్వహించారు. ఈ కార్యక్రమంలో భార్య లెజెనోవాతో కలిసి పవన్ కళ్యాణ్ పూజలు నిర్వహించారు. అమరావతికి అతి చేరువలో ఇంటి నిర్మాణం జరుగుతుంది. ఆరు నెలల్లోగా ఇంటి నిర్మాణాన్ని పూర్తిచేయనున్నారు. ఇక్కడే జనసేన కేంద్ర కార్యాలయం కూడా ఏర్పాటవుతుంది. ప్రజలకు మరింత చేరువకావడానికి సహకరిస్తుందని జనసేన కార్యకర్తలు చెబుతున్నారు.

దీనికి సంబంధించిన వివరాలు సీక్రెట్ గా ఉంచారు. పవన్ సొంతింటి నిర్మాణానికి నేడు భూమిపూజ చేస్తారనే విషయం తెలిస్తే అభిమానులు వెల్లువలా వచ్చే అవకాశం ఉందని భావించి, వారిని నిలువరించడానికి దీనిని సీక్రెట్ గా ఉంచినట్టు సమాచారం. అయితే భద్రతా కారణాల రీత్యా పవన్ తన పర్యటన వివరాలను డీజీపీకి తెలియజేశారు. దీంతో పవన్ కల్యాణ్ సొంతింటి నిర్మాణం విషయం బయటకి వచ్చింది. ఈ నేపథ్యంలోనే పవన్ కల్యాణ్ తన కుటుంబసభ్యులతో కలిసి ఆదివారం ప్రత్యేక విమానంలో విజయవాడ చేరుకున్నారు.

Latest News

Trending

%d bloggers like this: