Connect with us

Movie News

కత్తి: కులరహిత రాజకీయాల గురించి పవన్ మాట్లాడటం పెద్ద జోక్

Published

on

జనసేన అధినేత, నటుడు పవన్ కల్యాణ్‌పై కత్తి మహేశ్ వరుస ట్వీట్లతో మరోసారి విరుచుకుపడ్డారు. జనసేన ఆవిర్భావ దినోత్సవం వేళ పవన్‌పై ఆయన చేసిన వ్యాఖ్యలకు ప్రాధాన్యత సంతరించుకుంది. ‘సెటైల్మెంటు భూమి మీద పార్టీ నిర్మాణాలు మొదలెట్టిన పవన్ కళ్యాణ్, అవినీతిరహిత రాజకీయాలు తీసుకొస్తానని మాట్లాడటం, ప్రపంచంలో ఎనిమిదో వింత’ అంటూ కామెంట్ చేసాడు కత్తి మహేష్. ‘మతతత్వ పార్టీ చంకనెక్కి నాలుగేళ్లు తిరిగి.. దేశంలో బీజేపీ చేసిన ఎన్నో మారణహోమాల్ని సైలెంటుగా సమర్ధించి… స్వయంగా హిందుత్వ భావజాలాన్ని నింపుకున్న పవన్ కళ్యాణ్, మతరహిత రాజకీయాలకు చిరునామా అవుతాను అంటే. ఎవరు నమ్మాలి?’ అంటూ ట్వీట్ చేశాడు. ‘కాపు ఓట్లను చీల్చడమే ప్రధాన ఆయుధంగా చేసుకుని రాజకీయ ఉనికిని చాటుకున్న పవన్ కళ్యాణ్, కులరహిత రాజకీయాల గురించి మాట్లాడటం.. ఒక పెద్ద జోక్’ అని కత్తి సంచలన వ్యాఖ్యలు చేసాడు.

ఇరవై రెండు సంవత్సరాలు తెలుగు సినిమా పరిశ్రమకు ఏమీ చెయ్యని పవన్ కళ్యాణ్, ప్రపంచాన్ని కాపాడటానికి బయల్దేరాడు. ఆ మాట అంటే, ఒక అమ్మాయి మీద అభిమానులు దాడులు చేస్తారు. అది జనసేనాని పంథా, జనసైనికుల పద్దతి. షేమ్! షేమ్!!’అంటూ పవన్‌పై విరుచుకుపడ్డారు. ‘జనసేన పార్టీ ఆరంభంలోనే బానిసత్వం ఉంది. పవన్ కళ్యాణ్ రాజకీయ పంథాలోనే జీహుజురి ఉంది. పార్టీ ఆఫీస్ పునాది నిర్మాణంలో అవినీతి ఉంది. ఇది మార్పు కోసం వస్తున్న రాజకీయం కాదు. ఏమార్చడానికి కొనసాగుతున్న పవనిజం’ అని కత్తి సీరియస్ గా ట్వీట్ చేశారు.

అలాగే జనసేన పార్టీ కార్యాలయం, పవన్ సొంతింటి నిర్మాణాలపై కూడా కత్తి కామెంట్ చేసాడు.. ‘ఎకరం ఆరు నుంచి పది కోట్ల చేసే స్థలం. పవన్ కళ్యాణ్ అయితే ఇరవై లక్షలకే అమ్మేస్తారు! అదే పవర్ స్టార్ “పవర్”!’ అంటూ ఎద్దేవా చేశారు. అంతేకాదు ‘ఇరవై రెండు ఏళ్ల సినీప్రస్థానంలో సొంత ఇళ్లు అమ్ముకోవడం. వాయిదాలు కట్టుకోలేక కార్లను అమ్మేయడమే తెలిసిన పవన్ కళ్యాణ్. అతికొద్ది రాజకీయ ప్రయాణంలో ప్రపంచంలో అత్యంత ఖరీదైన అమరావతిలో సొంత ఇల్లు, సొంత ఆఫీసు కట్టుకునే స్థాయికి చేరడం ఆదర్శనీయం’ అంటూ కత్తి చేసిన ట్వీట్లు సోషల్ మీడియాలో హల్చల్ చేస్తున్నాయి.

Latest News

Trending

%d bloggers like this: