Connect with us

Movie Reviews

తొలిప్రేమ మూవీపై కత్తి మహేష్ రివ్యూ : నేనింతే

Published

on

వరుణ్ తేజ్, రాశిఖన్నా హీరో హీరోయిన్లుగా వెంకీ అట్లూరి దర్శకత్వంలో తెరకెక్కిన ‘తొలిప్రేమ’ చిత్రం ఈరోజు ప్రపంచవ్యాప్తంగా విడుదలై పాజిటివ్ టాక్‌తో దూసుకుపోతుంది. ఇప్పటికే ‘తొలిప్రేమ’ మూవీకి పాజిటివ్ టాక్ సోషల్ మీడియాలో హల్ చల్ చేస్తుండటంతో మెగా ఫ్యాన్స్ ఖుషీలో ఉన్నారు. అయితే ప్రతి శుక్రవారం విడుదలయ్యే కొత్త సినిమాలకు తనదైన శైలి రివ్యూలు ఇస్తూ సోషల్ మీడియాలో హాట్ టాపిక్‌గా మారిన మూవీ క్రిటిక్ మహేష్ కత్తి ‘తొలిప్రేమ’ మూవీకి రివ్యూ ఇచ్చేశాడు.

‘ఈ మధ్యకాలంలో తెలుగులో వచ్చిన ప్రేమకథా మూవీలో ‘తొలిప్రేమ’ వన్ ఆఫ్ ది బెస్ట్ మూవీ అంటు పొగడ్తల వర్షం కురిపించాడు. ముఖ్యంగా దర్శకుడిపై ప్రశంసల జల్లు కురిపిస్తూ. మణిరత్నం, శేఖర్‌కమ్ముల స్టైల్‌ను కలగలిపితే వెంకీ అట్లూరి అని దర్శకుడిని కత్తి మహేశ్ ఆకాశానికెత్తేశాడు. బ్రిలియంట్ రైటింగ్‌తో సాగిన కథలో నటీనటులు అద్భుతంగా చేశారని. వరుణ్ తేజ్, రాశీఖన్నా ఆకట్టుకునే నటనను ప్రదర్శించారన్నారు. ‘ఊహలు గుసగుసలాడే’ చిత్రం తరువాత హీరోయిన్ రాశీఖన్నా అద్భుతనటనను కనబరిచిందన్నారు. మొత్తానికి ‘తొలిప్రేమ’ దూసుకుపోవడం ఖాయమే’ అంటూ ధీమా వ్యక్తం చేస్తున్నాడు మహేష్ కత్తి.

ఇదిలాఉంటే నిన్న విడుదలైన సాయిధరమ్ తేజ్ ‘ఇంటిలిజెంట్’ మూవీకి. నవ్వు రాని కామెడీ, లవ్ లేని రొమాంటిక్ ట్రాక్‌తో అన్ ఇంటిలిజెంట్ స్టోరీ, నువ్వు ఇంటెలిజెంట్‌వి అయితే, నేను ష్యూర్‌గా చెప్పగలను నువ్వు తెలివైన నిర్ణయం తీసుకుంటావు’ అని షాకింగ్ రివ్యూ ఇచ్చిన మహేష్ కత్తి. ‘తొలిప్రేమ’కు పాజిటివ్ రివ్యూ ఇవ్వడంతో మెగా ఫ్యాన్స్ ఊపిరిపీల్చుకున్నారు.

Latest News

Trending

%d bloggers like this: