Connect with us

Movie News

మంచి ఆధ్యాత్మికత, దేశభక్తి, ఆడవాళ్ళ భద్రత గురించి చెప్పే గ‌జ‌ల్ శ్రీనివాస్, అమ్మాయిలని ఎలా వాడుకునేవడో చూడండి.

Published

on

రేడియో జాకీగా ప‌నిచేసే ఓ యువ‌తిని లైంగిక‌ వేధింపుల‌కు గురి చేసిన‌ గాయ‌కుడు, ర‌చ‌యిత గ‌జ‌ల్ శ్రీనివాస్‌ను పోలీసులు నాంప‌ల్లి కోర్టులో హాజ‌రుప‌ర్చి చంచ‌ల్ గూడ జైలుకి త‌ర‌లించిన విష‌యం తెలిసిందే..లైంగిక వేధింపులు ఎదుర్కొన్న బాధితురాలు.. ఆలయవాణి అనే వెబ్‌ రేడియోలో జాకీగా పనిచేస్తుంది. ఈ వెబ్‌ రేడియో గజల్‌ శ్రీనివాస్‌దే. బాధితురాలు ఫిర్యాదు స్వీకరించిన పోలీసులు వెంటనే శ్రీనివాస్‌ను అరెస్టు చేశారు. ఈ వార్తకు సంబంధించిన మరిన్ని వివరాలు తెలియాల్సిఉంది.

ఆధ్యాత్మికత, దేశభక్తి, ఆడవాళ్ళ భద్రత తదితర అంశాలపై ఎన్నో కళారూపాలు చేసిన గజల్‌ శ్రీనివాస్‌ లైంగికవేధింపుల కేసులో అరెస్టు కావడం తెలుగు రాష్ట్రాల్లో ఒక సంచలనంగా మారింది. కేసుకు సంబంధించి వీడియోలు, ఆడియోలు వంటి మొత్తం ఆధారాలతోనే బాధితురాలు ఫిర్యాదుచేసినట్లు తెలిసింది.మహిళా రేడియో జాకీని లైంగికంగా వేధించిన కేసులో అరెస్టైన గజల్‌ శ్రీనివాస్‌ అలియాస్‌ కేసిరాజు శ్రీనివాస్‌ మీడియాతో మాట్లాడారు. యాక్సిడెంట్‌ గాయాలతో బాధపడుతున్న నాకు ఆ అమ్మాయే మనస్ఫూర్తిగా మసాజ్‌ చేసిందని, అయితే ఆమె పట్ల తనకు ఎలాంటి చెడు ఆలోచన లేదని చెప్పుకొచ్చారు. శ్రీనివాస్‌కే చెందిన ఆలయవాణి వెబ్‌ రేడియోలో జాకీగా పనిచేస్తున్న యువతి ఫిర్యాదు మేరకు పంజాగుట్ట పోలీసులు బుధవారం చర్యలు తీసుకున్న విషయం తెలిసిందే.

ఆత్మసాక్షిగా చెబుతున్నాను. నేను మహిళల్ని గౌరవిస్తాను. ఆ అమ్మాయి మా సంస్థలోనే పనిచేస్తుంది. నామీద ఎందుకు ఫిర్యాదు చేసిందో నాకు అర్థం కావడంలేదు. కొద్ది రోజుల కిందట నాకు యాక్సిడెంట్‌ అయింది. దాని వలన బాడీలో కొన్నిచోట్ల కాల్షియమ్‌ పేరుకుపోయింది. దాన్ని నియంత్రించడానికి రెగ్యులర్‌గా మసాజ్‌ చేయించుకుంటాను. ఒకరోజు ఫిజిషియన్‌ రాకపోతె ఆ అమ్మాయే ముందుకొచ్చి.. మసాజ్‌ చేస్తానంది. నేను వద్దన్నా వినకుండా మసాజ్‌ చేసింది. నాకు ఆమెపట్ల ఎలాంటి చెడుఆలోచన లేదు.. అని గజల్‌ శ్రీనివాస్‌ చెప్పుకొచ్చారు.

నేరానికి సంబంధించిన పూర్తి ఆధారాలు లభించడంతోనే గజల్‌ శ్రీనివాస్‌కు నోటీసులు ఏలాంటివి ఇవ్వకుండా డైరెక్ట్ గ అరెస్టు చేశామని పంజాగుట్ట ఏసీపీ విజయ్‌ కుమార్‌ తెలిపారు. బాధితురాలు బయటి ఊరి నుంచి వచ్చి ఇక్కడ(హైదరాబాద్‌లో) ఓ హాస్టల్‌లో ఉంటూ గజల్‌ శ్రీనివాస్‌కు చెందిన రేడియోలో పనిచేస్తోంది. తాను లైంగిక, మానసిక వేధింపులకు గురయ్యానంటూ ఫిర్యాదు ఇవ్వడమేకాక.. దానికి సంబంధించి వీడియో, ఆడియో రికార్డులను కూడా బాధితురాలు అందించారు. నిందితుడిపై ఐపీసీ సెక్షన్లు 354, 354ఏ, 509ను అనుసరించి కేసులు నమోదుచేశామని చెప్పారు. బుధవారం మధ్యాహ్నం గజల్‌ శ్రీనివాస్‌ను నాంపల్లి కోర్టులో ప్రవేశపెట్టారు. 12 వరకు ఆయనకు రిమాండ్ విధించారు.

 

 

Latest News

Trending

%d bloggers like this: