Connect with us

Movie Reviews

భాగమతి మూవీ టాక్ : చుక్కలు చూపించిన తమన్

Published

on

సినీ ప్రేమికులు ఆసక్తిగా ఎదరుచూస్తున్న ‘భాగమతి’ ఈ రోజు ప్రేక్షకుల ముందుకు వచ్చింది. అనుష్క ప్రధాన పాత్రలో తెరకెక్కిన ఈ చిత్రంపై భారీ అంచనాలే ఏర్పడ్డాయి. ‘అరుంధతి’ తర్వాత అనుష్క మరోసారి పవర్‌ఫుల్ పాత్రలో నటించడంతో ఈ చిత్రం ప్రేక్షకుల దృష్టిని ఆకర్షించింది. దీనికి తోడు చిత్ర టీజర్, ట్రైలర్ అద్భుతంగా ఉండటంతో ప్రేక్షకుల ఆసక్తి పెరిగిపోయింది. ‘ఎప్పుడు పడితే అప్పుడు వచ్చిపోడానికి ఇది పశువుల దొడ్డా. భాగమతి అడ్డా’ అంటూ ట్రైలర్ అనుష్క చెప్పిన డైలాగ్‌తోనే ప్రేక్షకులు ఫిదా అయిపోయారు. ప్రేక్షకులు ఊహించినట్లుగానే ‘భాగమతి’ చాలా
భయపెట్టేస్తోంది.

ఇప్పటికే సినిమాను చూసిన ప్రేక్షకులు ట్విట్టర్ ద్వారా స్పందిస్తున్నారు. తొలిభాగం చాలా బాగుందని, ఇంటర్వల్ సీన్ అయితే హైలైట్ అని అంటున్నారు. ‘భాగమతి’ పరిచయ సన్నివేశం అదిరిపోయిందట. అన్నిటికీ మించి తమన్ నేపథ్య సంగీతం అద్భుతం అంటున్నారు. సన్నివేశాన్ని తన బ్యాక్‌గ్రౌండ్ మ్యూజిక్‌తో తమన్ ఎక్కడికో తీసుకెళ్లిపోయాడ. సీట్లో కూర్చున్న ప్రేక్షకుడికి మాత్రం చుక్కలుచూపించాడట. మొత్తానికి సినిమా అయితే చాలా బాగుంది అంటున్నారు.

మరోవైపు తమన్ కూడా ట్వీట్ చేశాడు. ‘భగ భగ భగ భగ భాగమతి ఈరోజు నుంచే !!’ అంటూ చేసిన ట్వీట్‌లో ఇది కచ్చితంగా మీ అందరికీ గొప్ప అనుభవం అవుతుందని నమ్ముతున్నాని పేర్కొన్నాడు. సౌండ్, విజువల్స్, ప్రొడక్షన్ సూపర్‌గా ఉంటాయని తెలిపాడు. సినిమాకు స్క్రిప్టే హీరో అని వెల్లడించాడు. ‘మన స్వీటీయెస్ట్ అనుష్క పెర్ఫార్మెన్స్ అద్భుతం’ అని తమన్ అన్నాడు.

Latest News

Trending

%d bloggers like this: