Connect with us

Movie News

డ్రంక్ అండ్ డ్రైవ్ కేసులో కౌన్సిలింగ్ కు హాజరైన యాంకర్ ప్రదీప్

Published

on

మందు సేవించి కారు నడుపుతూ డ్రంక్ అండ్ డ్రైవ్ లో దొరికిన యాంకర్ ప్రదీప్ వారం రోజుల తర్వాత కౌన్సెలింగ్ కు హాజరయ్యాడు. డిసెంబర్ 31వ తేదీ అర్థరాత్రి దొరికిన తర్వాత.. జనవరి 5వ తేదీలోపు హాజరుకావాలని నోటీసులు ఇచ్చారు పోలీసులు. మరింత సమయం కోరిన ప్రదీప్.. జనవరి 8వ తేదీ సోమవారం మధ్యాహ్నం గోషామహల్ ట్రాఫిక్ పోలీస్ స్టేషన్ కు వచ్చాడు. పోలీసులు ఇచ్చిన కౌన్సెలింగ్ కు హాజరయ్యాడు.

ఈ యాంకర్ తోపాటు చాలా మంది ఉన్నారు. ప్రదీప్ మాత్రం మొదటి వరసలో కూర్చున్నాడు. కుటుంబసభ్యులు కూడా రావాలనే నిబంధన ఉండటంతో.. అతని వెంట తండ్రి వచ్చాడు. పోలీసులు చెప్పిన క్లాస్ విన్నాడు. చూపించిన విజువల్స్ చూశాడు. మరోసారి నేను చేసిన తప్పు మరొకరు చేయొద్దంటూ గతంలోనే సెల్ఫీ వీడియో ద్వారా కోరిన విషయం తెలిసిందే.నూతన సంవత్సర వేడుకల్లో భాగంగా డిసెంబర్ 31న అర్ధరాత్రి తాగి వాహనం నడిపిన కేసులో యాంకర్ ప్రదీప్ పట్టుబడిన సంగతి తెలిసిందే.

బ్రీత్ ఎనలైజర్ టెస్టులో ప్రదీప్ కు 178 పాయింట్లు వచ్చాయి. మద్యం స్వీకరించి వాహనాన్ని నడపడంతో ప్రదీప్ పై పోలీసులు కేసు నమోదు చేసి కౌన్సిలింగ్ ఇవ్వనున్నారని తెలిసిందే…గోషా మహల్ ట్రాఫిక్ పోలీస్ స్టేషన్ లో జరిగిన కౌన్సెలింగ్ కు హాజరైన ప్రదీప్ మాట్లాడుతూ మద్యం సేవించి కారు నడపడం తప్పేనని, ఇకపై ఇలాంటి తప్పు చేయనని చెప్పాడు. కౌన్సెలింగ్ కు హాజరైన ప్రదీప్ కు పోలీసులు మూడు షార్ట్ ఫిలింలు చూపించారు. గంటపాటు పోలీసులు ప్రదీప్ కు కౌన్సెలింగ్ ఇచ్చారు. ప్రదీప్ ను రేపు నాంపల్లి కోర్టులో హాజరుపరిచే అవకాశం ఉంది

Latest News

Trending

%d bloggers like this: