Connect with us

Health

ఆలూతో మరింత అందం మీసొంతం

Published

on

బంగాళాదుంపలో ప్రధానంగా పిండి పదార్ధాలు ఉంటాయి. ఓ మోస్తరు బరువున్న దుంపలో 26 గ్రాములు పిండిపదార్ధం ఉంటుంది. ఇది స్టార్చ్ రూపంలో ఉంటుంది కాబట్టి పొట్ట, చిన్న ప్రేవులలోను స్రవించే ఎంజైముల వల్ల జీర్ణం కాదు. జీర్ణం కాని ఈ స్టార్చి నేరుగా పెద్ద ప్రేవుల్లోకి చేరుతుంది. దీంతో పీచు పదార్ధాలు వల్ల కలిగే ప్రయోజనాలే లభిస్తాయి. శరీర పౌష్టికత, కోలాన్ క్యాన్సర్ నుంచి భద్రత, గ్లూకోజ్ ఆధిక్యతను తట్టుకొనే శక్తి, కొలెస్టరాల్, ట్రైగ్లిజరైడుల తగ్గింపు లాంటి లాభాలు కలుగుతాయి. దుంపను ఉడకబెట్టి ఆరబెడితే జీర్ణంకాని స్టార్చి పరిమాణం పెరుగుతుంది. ఉడకబెట్టిన వేడి దుంపలో 7 శాతం జీర్ణంకాని స్టార్చి ఉంటే, ఆరబెట్టినపుడు అది 13 శాతానికి చేరుతుంది.

బంగాళ దుంపలో విటమిన్-సి, విటమిన్- బి6, పొటాషియం పుష్కలంగా ఉండమే కాదు, కొద్ది మెత్తంలో థయామిన్, రైబోఫ్లావిన్, ఫోలేట్, నియాసిన్, మెగ్నీషియం, ఐరన్, జింక్ లాంటి మూలకాలు లభిస్తాయి. బంగాళదుంప తొక్కలో ఉన్న పీచు పదార్ధం కూడా చాలా ఉపయోగకరం. ఓ మాదిరి దుంప పొట్టు ఎన్నో ధాన్యపు గింజల ద్వారా వచ్చే పీచుకు సమానం. అంతేకాదు ఇందులో కార్టినాయిడ్స్, పాలీఫినాల్స్ లాంటి ఫైటో రసాయనాలు ఉన్నాయి.

కేవలం ఆహారంగానే కాదు, అందానికి కూడా ఆలూ మేలు చేస్తుంది. కళ్ల చుట్టూ ఉండే నల్లటి వలయాలను బంగాళాదుంపతో తొలగించుకోవచ్చు. బంగాళాదుంప రసాన్ని దూదితో ముంచి, దాన్ని కళ్లపై పావుగంట సేపు ఉంచాలి. ఇలా రోజూ చేస్తూ నల్లటి మచ్చలు తగ్గుతాయి. దాని రసంతో రోజూ ముఖాన్ని కడుక్కుంటే ముడతలు తగ్గుతాయి. ముఖంపై తెల్లటి మచ్చలు, ఎండకు కమిలిపోయిన చర్మానికి బంగాళాదుంప రసం రాస్తే చర్మం మళ్లీ మామూలు స్థితికి చేరుకుంటుంది.

బంగాళాదుంపని మిక్సీలో వేసి ఆ పేస్టుని ముఖానికి రాసుకుని అరగంట తర్వాత కడిగేస్తే చర్మం మృదువుగా మారి, ఛాయ పెరుగుతుంది. చర్మంపై ఉన్న జిడ్డు కూడా తొలగిపోవడంతో ముఖం తాజాగా మారుతుంది. బంగాళాదుంప రసానికి కొద్దిగా నిమ్మరసం, తేనె కలిపి ముఖానికి పట్టించి, పావుగంట తరువాత కడిగేస్తే చర్మం రంగు తేలుతుంది.

Latest News

Trending

%d bloggers like this: