Connect with us

Technology

ఆందోళ‌నక‌రంగా మారిన టెలికాం సంస్థ‌

Published

on

రుణభారంతో మూతబడుతున్న టెలికం సంస్థల జాబితాలో తాజాగా ఎయిర్‌సెల్‌ కూడా చేరబోతోంది. సుమారు రూ. 15,500 కోట్ల రుణాలు పేరుకుపోవడంతో కంపెనీ త్వరలో నేషనల్‌ కంపెనీ లా ట్రిబ్యునల్‌ (ఎన్‌సీఎల్‌టీ) ముందు దివాలా పిటిషన్‌ దాఖలు చేయనుంది. మలేసియాకి చెందిన మాతృ సంస్థ మ్యాక్సిస్‌ గతంలో ఎయిర్‌సెల్‌లో మరిన్ని పెట్టుబడులు పెట్టేందుకు ముందుకు వచ్చినప్పటికీ. ఆ తర్వాత వెనక్కి తగ్గినట్లు సంబంధిత వర్గాలు తెలిపాయి.

రూ. 15,500 కోట్ల రుణాల పునర్‌వ్యవస్థీకరణ కోసం గతేడాది సెప్టెంబర్‌ నుంచి బ్యాంకులతో ఎయిర్‌సెల్‌ చర్చలు జరుపుతున్నప్పటికీ. ఫలితం కనిపించలేదని పేర్కొన్నాయి. వ్యాపారాన్ని నిర్వహించేందుకు కంపెనీ దగ్గర ప్రస్తుతం కనీస స్థాయిలో కూడా నిధులు లేవని, ఈ వారాంతంలో ఉద్యోగుల జీతాలను చెల్లించడం కూడా నిలిపివేసే అవకాశం ఉందని సంబంధిత వర్గాలు వివరించాయి. కంపెనీ సీఈవో సైతం ఉద్యోగుల‌కు ఒక మెయిల్ రాశార‌ని స‌మాచారం. అందులో కంపెనీ ప‌రిస్థితి మ‌రింత దిగ‌జారేందుకు సైతం అవ‌కాశ‌మున్న‌ట్లు ఉద్యోగుల‌ను హెచ్చ‌రించారని టెలికాంటాక్ రిపోర్ట్ నివేదించింది.

ప్ర‌స్తుతం ఆర్థికంగా నష్టపోయిన ఎయిర్‌సెల్ సంస్థ ఇప్ప‌టికే ఆరు స‌ర్కిళ్ల‌లో త‌న సేవ‌ల‌ను నిలిపివేసింది. అప్పుల భారంతో కష్టాల్లో ఉన్న మ‌రో ప్ర‌ధాన టెలికాం సంస్థ రిల‌య‌న్స్ క‌మ్యూనికేష‌న్స్²తో ఎయిర్‌సెల్ సంప్ర‌దింపుల‌ను మొద‌లుపెట్టింది. అయితే దీనికి సంబంధించి నియంత్ర‌ణ సంస్థ‌ల నుంచి స‌రైన టైమ్ లో అనుమ‌తులు రాలేదు. అంతే కాకుండా ఎయిర్సెల్ వ‌ద్ద ఉన్న స్పెక్ట్రంను అమ్మేందుకు సుప్రీంకోర్టు అంగీక‌రించ‌లేదు. దీంతో ఈ మెర్జింగ్ ప్ర‌క్రియ‌కు బ్రేకులు ప‌డ్డాయి. దీంతో ఎయిర్‌సెల్ రుణ పున‌ర్వ్య‌వ‌స్థీక‌ర‌ణ కోసం ప్ర‌య‌త్నించింది. కానీ దానికి సంబంధించిన ప్ర‌య‌త్నాలు సైతం స‌ఫ‌లం కాలేద‌ని తెలుస్తోంది.

Click to comment

Leave a Reply

Your email address will not be published.

Latest News

Trending

%d bloggers like this: