Connect with us

Movie News

చిరంజీవి, పవన్ కళ్యాణ్, నానిపై షాకింగ్ కామెంట్స్ చేసిన శ్రీరెడ్డి

Published

on

టాలీవుడ్‌లో నడుస్తున్న చీకటి వ్యవహారం ఒక్కొక్కటిగా బయటపడుతున్నాయి. మూవీస్ లో అవకాశాల పేరుతో అమ్మాయిలకు వల వేయడం.. ఆ తరువాత వాళ్లను మానసికంగా శారీరకంగా హింసించడం లాంటి చర్యలను తరచూ చూస్తూనే ఉన్నాం. అయితే ఈ రంగుల ప్రపంచం వెనుకున్న గుట్టు అన్ని సందర్భాల్లోనూ బయటపడదు. కొన్నిసార్లు ఇలా చేయడానికి ఇష్టం లేక చాలా మంది నటీమణులు ఇండస్ట్రీకి దూరం అయితే కొంతమంది ఈ చీకటి దారిలో నడుస్తూ అవకాశాలు అందిపుచ్చుకుంటున్నారనేది బహిరంగ రహస్యమే. అయితే ఇండస్ట్రీలో ఉన్న ఈ చీకటి కోణంపై తన గోడును చెప్పుకున్నారు వర్ధమాన నటి శ్రీరెడ్డి.

తెలుగు సినీ ఇండస్ట్రీలో కాస్టింగ్ కౌచ్ (అవకాశాల పేరుతో మహిళా ఆర్టిస్ట్‌లను వాడుకోవడం) చాలా ఎక్కువగా ఉందని, కొన్ని సందర్భాల్లో హీరోలు, డైరెక్టర్లే కాకుండా రాజకీయ నాయకుల దగ్గరకు కూడా వెళ్లమని ఫోర్స్ చేస్తారంటూ సంచలన విషయాలను బయటపెట్టింది శ్రీ రెడ్డి. తాను తెలుగు అమ్మాయిని అయినప్పటికీ హీరోయిన్‌గా అవకాశాల కోసం అడుక్కునే పరిస్థితి వచ్చిందన్నారు. మిగిలిన ఇండస్ట్రీల్లో ఇలాంటి పరిస్థితి లేదని. వాళ్లు తమ భాషకు సంబంధించిన అమ్మాయిలకు ప్రాధాన్యత ఇస్తారన్నారు.

కొత్తగా వచ్చేవాళ్ల పరిస్థితి సినీ ఇండస్ట్రీలో చాలా దారుణంగా ఉందని ముందే కోఆర్డినేటర్స్ కమిట్మెంట్ ఇస్తారా అని అడిగేస్తారని దానికి ఓకే చెప్తే అప్పుడు నిర్మాతలు, హీరోలకి పరిచయం చేస్తారన్నారు. అంతెందుకు కోఆర్డినేటర్స్ కూడా అవసరం లేదని ఇండస్ట్రీలో ఉన్న కొంతమంది నిర్మాతలు, హీరోలు బ్రోకర్లుగా తయారయ్యారని, కొంతమంది హీరోల పేర్లు చెప్పితే వాళ్ల బతుకు ఇక్కడే కుప్పకూలిపోతుందన్నారు. పెద్ద పెద్ద హీరోలు కూడా పొలిటికల్‌గా లబ్ధి పొందేందుకు వాళ్లు వాడుకోవడమే కాకుండా రాజకీయ నాయకుల దగ్గరకు పంపిస్తారంటూ చెప్పింది శ్రీ రెడ్డి.

ఇక ఇండస్ట్రీలో కుల పిచ్చి చాలా ఎక్కువగా ఉన్నదని.. ఓ వర్గం వారికి మాత్రమే బాగా ఆఫర్స్ ఇస్తున్నారంటూ.. తన పేరులో రెడ్డి అని ఉండటం వల్ల చాలా మంది కామెంట్ చేశారని, ఇక సోషల్ మీడియాలో శ్రీ పక్కన రెడ్డి అని పెట్టుకునే అర్హత లేదంటూ ఇప్పటికీ కామెంట్ చేస్తున్నారు అని చెప్పింది.

తెలుగులో హీరోయిన్‌గా రాణించాలంటే తెలుగుని తెల్గు అని వచ్చీరాని భాషలో మాట్లాడే పరాయి భాషవాల్లకే వరుస అవకాశాలు వస్తున్నాయన్నారు. ఇక తెలుగు మూవీ ఇండస్ట్రీ అంతా కాపీ క్యాట్‌తోటే నడుస్తుందన్నారు. బాలీవుడ్‌లో హీరోయిన్ సన్నగా ఉంటే ఇక్కడా సన్నగా ఉండాలంటారు. మిగతా భాషల్లో ఏదీ ఫాలో అయితే మనోళ్లు అదే ఫాలో అవుతారు. సొంతంగా ఏదీ ఆలోచించరన్నారు. అయితే తెలుగు హీరోయిన్స్ ఎక్స్‌పోజింగ్ చేయరు.. వాళ్లు నటించరు అంటూ ప్రొడ్యుసర్స్ డిసైడ్ అయిపోతున్నారన్నారు.

ఇక పవర్ స్టార్ పవన్ కళ్యాణ్‌పైన, ఆయన ఫ్యాన్స్‌పైన పలు ఆరోపణలు చేశారు శ్రీ రెడ్డి. టాప్ హీరోలు చెబితే నిర్మాతలు ఆర్టిస్టులను తీసుకుంటారని పవన్ కళ్యాణ్ తెలుగు గురించి తెగ స్పీచ్ లు ఇస్తారు కాని తెలుగు హీరోయిన్స్‌ని తన మూవీలో తీసుకోమని ఎందుకు అడగరని ప్రశ్నించారు. ఇక పవన్ కళ్యాణ్ అభిమానుల వల్ల తాను చాలా టార్చర్ అనుభవించానన్నారు. తాను ఆత్మాభిమానం వదిలివేయడం వల్లే ఇంకా బ్రతికి ఉన్నానని.. లేదంటే వాళ్లు అన్న మాటలకు నేను ఎప్పుడో ఉరిపెట్టుకుని చనిపోవాల్సిందే అంటూ కన్నీళ్లు పెట్టుకున్నారు శ్రీ రెడ్డి.

ఇండస్ట్రీలో చాలా మంది కమిట్మెంట్. కమిట్మెంట్ అంటూ వెంటపడే కుక్కలు చాలా ఉన్నాయని. ప్రభుత్వ పరంగా వీరిపై చర్యలు తీసుకుని తెలుగు మూవీ ఇండస్ట్రీలో తెలుగు అమ్మాయిలకు అవకాశాలు లభించే విధంగా రూల్స్ తీసుకురావాలంటూ ఏడ్చేశారు శ్రీరెడ్డి.

Click to comment

Leave a Reply

Your email address will not be published.

Latest News

Trending

%d bloggers like this: