Connect with us

Technology

ఆధార్ లింక్ చేసారా ..! 500 రూపాయలు ఇస్తే చాలు కొన్ని కోట్లమంది సీక్రెట్ డేటా మీ చేతుల్లోకి …?

Published

on

500కే కోట్ల మంది ఆధార్‌ వివరాలు

ఆధార్ డేటా చాలా సురక్షితమని, దాన్ని ఎవరూ కూడా దొంగలించడానికి ఆస్కారం ఉండదని ఓ వైపు నుంచి కేంద్ర ప్రభుత్వం చెబుతుంది. కానీ నిజం మరోలా ఉంది. భారీ మొత్తంలో ఆధార్‌ డేటా దొంగతనానికి గురైందని తెలిసింది. కేవలం రూ.500కే వందల కోట్లకు పైగా భారతీయుల ఆధార్‌ వివరాలను అందజేయనున్నామని వాట్సాప్‌లో ఓ తెలియని గ్రూప్‌ విక్రయదారులు చెబుతున్నారు. ఈ విషయం ”ది ట్రిబ్యూన్” ఇన్వెస్టిగేషన్‌లో వెల్లడైంది. అంతేకాక ఎవరిదైనా ఆధార్‌ కార్డు కావాలంటే, వారి ఆధార్‌ నెంబర్‌తో కార్డును ప్రింట్‌ తీసేలా.. సాఫ్ట్‌వేర్‌ యాక్సస్‌ను రూ.300కే అందజేస్తున్నారని ఇన్వెస్టిగేషన్‌ రిపోర్టు పేర్కొంది.

పేటీఎం ద్వారా రూ.500 చెల్లిస్తే, పది నిమిషాల్లో, ఈ రాకెట్‌ గ్రూప్‌లోని ఏజెంట్‌ లాగిన్‌ ఐడీ, పాస్‌వర్డ్‌ ఇస్తాడు. ఈ పోర్టల్‌లో ఏ ఆధార్‌ నెంబర్‌ను నమోదుచేసినా.. యూఐడీఏఐ వద్ద నమోదైన ఆ వ్యక్తి పేరు, అడ్రస్‌, పోస్టల్‌ కోడ్‌, ఫోటో, ఫోన్‌ నెంబర్‌, ఈమెయిల్‌ వంటి అన్ని వివరాలు వెంటనే వస్తాయి. ఇన్వెస్టిగేషన్‌ కోసం ”ది ట్రిబ్యూన్” విక్రయదారులకు రూ.300 చెల్లించి, సాఫ్ట్‌వేర్‌ను పొందింది కూడా. ఈ సాఫ్ట్‌వేర్‌లో ఆధార్‌ నెంబర్‌ ఎంటర్‌ చేసి, వారి కార్డును ప్రింట్‌ తీసుకోవచ్చు. ఆరు నెలల క్రితమే ఈ రాకెట్‌ను ప్రారంభించారని ”ది ట్రిబ్యూన్‌” చెప్పింది. వాట్సాప్‌లో అనామక గ్రూప్‌లను సృష్టించి ఈ దొంగతనానికి పాల్పడ్డారని చెబుతూనే. ఈ గ్రూప్‌లు మూడు లక్షలకు పైగా విలేజ్‌-లెవల్‌ ఎంటర్‌ప్రైజ్‌ ఆపరేటర్లను టార్గెట్‌ చేసినట్టు తెలిపింది.

అయితే భారీ మొత్తంలో ఆధార్‌ వివరాలు దొంగతనానికి పాల్పడ్డారనే విషయాన్ని యూఐడీఏఐ కొట్టిపారేసింది. రూ.500కే 10 నిమిషాల్లో ఎవరి ఆధార​ వివరాలైనా యాక్సస్‌ చేసుకోవచ్చని మీడియాలో వస్తున్న రిపోర్టులు పూర్తిగా అబద్దమని పేర్కొంది. ఏ ఆధార్‌ డేటా దొంగతనానికి గురికాలేదని, డేటా పూర్తిగా సురక్షితంగా, భద్రంగా ఉందని యూఐడీఏఐ తెలిపింది.12 అంకెల ఈ ఆధార్‌ను యూనిక్‌ ఐడెంటీ డెవలప్‌మెంట్‌ అథారిటీ ఆఫ్‌ ఇండియా జారీచేస్తోంది. వ్యక్తుల బయోమెట్రిక్, జనాభా సమాచారం రికార్డ్‌ చేసిన తర్వాత ప్రతి భారతీయ పౌరునిగా ఈ ఆధార్‌ నెంబర్‌ను కేటాయిస్తారు.

Click to comment

Leave a Reply

Your email address will not be published.

Latest News

Trending

%d bloggers like this: